ꥆꤼꤾ꥓ ꤸꥈꤷ ꤼꤴꥊꥍ ꤳꥉꤷꥉꤳ꥓ ꤰꤽꥊ.
ꥆ ꤴꥉ ꤼ ꤸꥐ ꤷꥉ ꤵꥋꥁꥋ , ꥆꥇ ꤴꥈ ꤶ꥓ꤷ ꤳꥈꥐ ꤼꥉ ꤷꥋꥏ . ꤳꥈꥐ ꤼꤷꥋꥏ ꤷꥉ ꤳꥉ ꤱꥉꥐ ꤰ ꤽꥊ. ꤳꥈꥐ ꤼꤷꥋꥏ ꤴꥉ ꤳꥇ ꤲ ꤵ ꤰ꥓ ꤰꥉꤰꥎ ꤳꥉ ꤷꥋ ꥆꥇꤶꥇꤳ꥓ ꤷꥇ ꤿꥋ ꥆ ꤼꥉ ꤷꥈ ꤷꥈ ꤳ꥓ . ꤳꥉꥐ ꤱꥉꥐ ꤷꥇꤿꥋꥆ ꤼꥉꤷꥈꤷꥈꤳ꥓ ꤷꤷ꥓ꤵꥉ ꥆꤸꥉꥐ ꤳꥈꥐ ꤸꥇꤾꥇꥏ ꤴꥉ ꤹꥋꥆ ꤹꥋꥆ ꤼꥇ ꤾ ꤼꥈꥏ ꤻꥉꤷꥈꤳ꥓ ꥆꤳꥌ ꤰꥉꤼ꥓ꤽꥈꤸ꥓. ꤷꥇꤿꥋꥆ ꤼꥉꤷꥈꤷꥈꤳ꥓ ꤷꤱꥇ ꤴꥉ ꤰꥉꤸ꥓ ꤳꥈꥐ , ꤼꤲꤳ꥓ ꤳꥉꤷꤳꥌ. ꤸꥈꤾꥊ ꤰꥈꤵꥇ ꥆꥇꤵꥉ ꤷꥆꥍ ꤷꥇꤾꥊ ꤷꥇꤾꥊ ꤼꤶꥊꥍ ꤶꥍꤰ꥓ ꤷꥇ ꥀꥋ ꥆ ꤼꥀꥒ.꥟ ꤳꥉꤼꥉꤷꥈꤳ꥓ ꤷ ꤰꤽꥊ, ꤼꤷꥋꥏ ꤿꥋ ꤶꥉꤳꤵꥇ ꤶꥇꤼꤰ꥓ ꤳꤶꥇꥇ ꤽꤺꥇꥐ ꤼꥉꤸ꥓ꤿꥏ. ꤶꤰ꥓ ꤰꤽꥊ ꥆꤴꥉ ꤶꥇꤳꤰ꥓ , ꤳꤶꥇ ꤹꥋꥆ ꤴꥉ ꤷꥇꥆꤿ ꥆꥈꥐꤳꥈꤰ꥓ ꤳꥉꤸ꥓ꤽꥈꤰꥋ ꤼꥀꥒ. ꤼꥇ ꤷꥆꥇꤰ꥓, ꤳꥉꤳꤲꥋ ꤳꥉ ꤸꥈꤾꥈꥏ ꤸꥉ ꤵꥎ ꤼꥀꥒꤵꥉ. ꤶꤹꤰ꥓ ꤷ ꤼꥇ ꤸꥈꤾꥊ ꤳꥉꤸꤵꥉꤸ꥓ ꥆꥈꥐꤳꥈꤰ꥓ ꤸꥇꤴꥈꤶ꥓ ꥆꤵꥋꤰ꥓ ꤽꥉꤶꥈꥆꥐꤵꥉ.꥟ ꤰꥉꤼ꥓ꤵꥋ ꤰꥈꤳꥉ ꤳꤵꥉꤸ꥓ꤵꥉ ꤷꥉ ꤷꥋꥆꥒ ꥆꤼꥎ ꤶ ꤵꥍꥐ ꤵꥉ ꤺꥇꤺꥊ ꤸꥉꤵꥊꥈꤶꥈꤰ꥓. ꤶꤰ꥓ ꤰꤽꥊ ꤳꥉꤸꥈꤰꥋꥆ ꤼꤶꥊ ꤶꥉꤽꤳꥊꥉ ꥂꤺꤰ꥓ ꤼꥀꥒ ꤱꥎ ꤶꥉꤾꤰ꥓. ꤰꥈꤵꥇ ꥆꤼꥎ ꤺꥈꥀꥋꥆ ꤳꤵꤸꥐ ꤵꥉ ꤴꥉ ꤸꥉ ꤾꥇꤶꥒ. ꤼꥉꤾꥉꤿꥉꥐ ꤷꥉꤳꤵꥇ ꤶꤰ꥓ ꤰꤽꥊ ꤰꥈꤾꥋ ꤷꥉꤵꥇꥆꤳ꥓ ꤸꤲꥈꥐ ꤳꥋꤾꥈꥐ,ꤶꤰ꥓ ꤰꤽꥊ ꤱꥋꤿꥋ ꤸꤲꥈꥐ ꤼꤶꥊ, ꤸꤲꥈꥐ ꤼꤶꥊ ꤱꤹꥏ ꤷꥉꥉꤰꥉꥂꥏ, ꤴꥌ ꤵꥇꥀꥉꥐ ꥆꤲꥈ ꤵꥐ ꤶꤰ꥓ ꤰꤽꥊ ꥀꥋ.꥟
ꥆꥈꥈꤴꥍꤸ꥓ ꥁꥋ ꤳꥉꤷꥉꤼꥇꤳ꥓ ꤵꤰ꥓ ꥆꥈꤳꥈꤰꤵꥉ ꤰꥈꤾꥋ ꤼꥇ ꤾꤰ꥓ ꤸꤲꥈꥐ ꤰꥂꥇꥏ, ꤰꥉꤼ꥓ꤵꥋ ꥆꤲꥈ ꤵꥐ ꤵꥉ ꤱꤹꥏ ꤰꥈꤾꥋ ꤷꥉꤰꥉꥂꥏ.꥟
ꤰꥉꥁꥇꤴꥈꤶꥐ ꤶꤰ꥓ ꤰ ꤽꥊ ꤸꤰꥇꥐ ꤰꥀꥋ. ꥁꥇꤲꥋ ꥆꤴꥉ ꤷ ꤴꥋꤸ ꤾꥉꤸ꥓ ꤶꤰ꥓ ꤰꤽꥊ ꤸꥉꤵꥎ ꤰꥈꤾꤸ꥓ ꥆꥇ ꤶꥇꤳ꥓ ꥆꥈꤸꥒ . ꤳꤸꥒ ꤰꤿꥋ ꤷꥆꥍ ꤶꤰ꥓ ꤰꤽꥊ . ꤵ, ꤿꥋꤷ ꤼꥇꤶꥉꤳ꥓ ꤵꥉ ꤱꥋꤿꥋ ꤷꥈꤷꥒ . ꤸꥉꥐ ꤷꥉꤵꥋꥁꥋ ꤼꥇ ꤱꤾꤰ꥓ ꥉꤸꤵꥈꤾꥈꥏ ꥆꥈꤿꥋ ꤷꥇ ꤱꥋꤿꥋ ꥆꥋꥂꥋꥏ. ꤴꥌ ꤳꥈꥐ ꤴꥉ ꤳꥉꤸꥈꤾꥈꥏ ꤼꥇ ꤷꥉꤵꥋꥁꥋ ꥋꤹꥆ ꤳꥉꥐꥁꥇ ꤸꥋ ꤰꤴꥏ ꥆꤼꥊꤵꥉ ꤳꥉꥁꥇꤵꥋ ꤵꥇꤿꥉꥐ ꥆꥈꥀꥒ ꤶꤰ꥓ ꤰꤽꥊ ꤿ꥓ ,ꤵꤰ꥓ ꤱꥈꤴꥏ ꤶꥉꤵꥋꥆꥒ ꤷꥉꤾꤼ꥓, ꤷꥉꤼꥈꤼꥈꥐꤼꥈꤼꥈꥐ, ꤷꥉꤾꥉꥁꥉꥉꤰ꥓ ꤾꥉꥁꥉꤰ꥓ ꥆꤳꥇ ꤴꥉ ꤵꤰ꥓ ꤷꥉꤾꤰꥏ ꥆꥈꤸꥒ ,ꥆꤲꥈꤵꥐ ꤸꥈꤾꥊ ꤰꥈꤵꥇ ꤰꥂꥇꥏ , ꤼꤶꥊ ꤰꥐ ꤾꥉꤸ꥓ ꤰꥈꤾꤸ꥓ ꥆꤴꥉ ꤰꥈ ꤳꥉ. ꤽꤳ꥓ ꤴꥈꤸ ꤵꥇꤿꥉꥐ ꤶꤰ꥓ ꤰꤽꥊ .ꥁꥇꤲꥋ ꤳꥈꥁꥐ ꤸꥈꤺꥊ ꥆꥇ ꤸꥉꥐ ꤶꤰ꥓ ꤰꤽꥊ.꥟
ꤸꥈꤼꥇꤸ꥓ ꤶꤹꥉꤰ꥓ꤾꥇꤰ꥓ ꤳꥇꤸꥋꥆ ꤰꤷꥈꤳꥈꥁꥐ ꤱꥋꤿꥋ ꤸꥉꤵꥇꤶꥇꤼ꥓, ꤷꥇ ꤴꥌ ꤰꥈꤾꥋ ꤳꥈꥐ ꤴꥉ ꤸꤳꥊꥊꥍ ꤾꤶꥎ. ꥆꥀꥇꤳ꥓ ꤽꥉꤶꥈꥆꥐ ꤶꤰ꥓ ꤰꤽꥊ ꤾꤰ꥓ ꤷꥉꤵꥇꥆꤳ꥓ ꤸꥉ ꤾꥊꥍ ꤶꥉꤸꥈꤰ꥓ ꤵꤽꥒ ꤵꥉ ꤽꥉꤶꥈꥆꥐ ꤵꥉ. ꤼꥉꤾꥀꥊꥍ ꥁꥋ ꤹꥋꥆ ꤵꤸ꥓ ꤱꥇꤵꥉ ꤱꥇꤵꥉ.ꤹꥈꤸ ꤶꤹꤰ꥓ ꤶꤼ꥓ꤽꥒ. ꥟
ꥆꤴꥉ ꤷ ꤴꥋ ꤷꥉꤾꥊ ꤼꥇꤲꥒ ꤷ ꤳꥈꥐ ꤶꥉꤲꥉꤸꥇꤼ꥓ ꤾꤰ꥓ ꤰꥇꤵꥊ ꤶꥉꤸꥈꤰ꥓ . ꤾꤼꥈꥏ ꤳꥉ ꤵꥈꤾꤰ꥓ ꤱꥎ ꤼꤸꥋ ꤸꥇꤾꥇꥏ ꤰꥇ ꤴꥍꤰ꥓ ꤼꥇ ꤸꤴꥒ ꥆꤾꥌ ꤰꥋ ꤰꥈꤵꥇ ꤿꥋ ꤶꤰ꥓ ꤳꥈꥆ ,ꤵꤴꥒ ꤶꤰ꥓ ꤰꤽꥊ ꤼꤸꥋ ꤳꥉꤸꥈꤾꤰ꥓ ꤶꤰ꥓ ꤳꥈꥆ . ꥆꥋꥂꥋꥏ ꤵꥇꤿꥉꥐ , ꤰꥋꤿꥋ,ꤵꤰ꥓ ,ꤰꥈ ꤳꥉ ꤳꥇꤳꥇꤶꥐ ꤳꥈꥁꥐ ꤸꥁ ꤰꥈꥆꤼꥋ, ꤼꥉꤰ꥓ꤽꥉꤶ꥓ ꤷꥆꥍ ꤸꥉꥐ ꤼꥇꤾꤰ꥓ ꤸꤰ꥓ ꤵꥉ ꥆꥇꤱꥊ. ꤴꥌ ꤴꥌ ꤷ ꤷꥉꤳꥉꤽꥇꤸꥋ ꤰꤼꥇ . ꤵꤰ꥓,ꥆꤴꥉꤶ꥓ ꤵꥉ ꥆꥇꤳꥉ ꤹꥈꤸ ꥁꥂ ꤵꥉ ꤴꥉ ꤱꥉ ꤳꥉꤵꤻꥉ ꤳꤾꥌ ꤶꥉꤰꤽꥋ, ꥆꥇꤷꤴꥒ , ꥆꥇꤾ꥓ꤸꥌ, ꤱꥎ ꥆꤸꤾ꥓, ꤵꤴꥒ ꤶꤰ꥓ ꤳꥈꥆ ꤶꥄꥏ ꤾꥇꤷꥎ. ꤰꥈ ꤳꥉ ꤿꥋ ꥆꥈꤼꥁꥋꤰꥈ , ꤰꥈꤶꤿꥒ ꤸꥉꤼꥋꥆ ꤵꥉ, ꥆꥈꤰꥈ ꤾꤰ꥓ ꤼꥉꤸꥇꥆꤶ꥓ ꥆꥈꥐꤳꥈꤰ꥓ ꥆꤵꤰ꥓ ꤰꥉꤶꥌ ꤰꥈ ,ꤷꥉ.꥟ ꤼꥋꤰ꥓ ,ꤸꥉꤵꤼꥇꥁꤳ ꥓ ꥁꥐ ꤰꥈ ꥆꥇꤴꥈꤶ꥓ ꤵꤰ꥓ ꤴꥉꤵꥇꤿꥋ ,ꥆꤸꥇ ꤴꥉ ꤳꥈꥁꥐ ꤸꥉꤾꥊꥍ ꤰꥈ ꤹꥋꤷꥆꥐ,ꤵꤴꥒ ꤶꤰ꥓ ꤰꤽꥊꥊ ꥆꥋꥂꥏ. ꤹꥋꥆ ꤷꥈꤾꥉꥆꥒ ,ꤹꥇꤰ꥓ꥁꥋ ꤶꤰ꥓,ꤷꥉꤳꥋꥆ ꤵꤴꥒ ꤶꤰ꥓ ꤳꥈꥆ ,ꥆꤽꥋ ꥆꥇꤳꥉ ꤷꥉꤳꥉꤽꥇꤸꥋ ꤰꤼꥇ ,ꤸꤱꥍꥆꥒ ꤴꥉꤰꥉꤸ꥓ ꥁꤰ꥓ ꥆꥇ ꤳꥉ ꤿꥋ ,ꤱꥎ ꤳꥈꥐ ꤴꥉ ꤷꥈꤳꥈꥁ꥓,ꤵꤴꥒ ꤽꥉꤶꥈꥆꥐ ꤶꤰ꥓ ꤰꤽꥊ ꥆꥇꤷꥋ.꥟
ꤷꤷ꥓ ꤵꥉ ꥆꥋꥂꥋꥏ ꤼꥇ ꤹꥋꥆ ꤳꥇꥁ꥓ꤲꥉꤳ꥓ ꤰꤾꥌ ꤼꥇ ꥆꤴꥍ ꤼꤽꥋ. ꤽꥉꤶꥈꥆꥐ ꤵꥉ ꤸꥇꤲꥉꤳ꥓ ꤹꥋꥆ ꤼꥈ ꤸ ꤸꥇꥐ.꥟
ꤶꤰ꥓ ꤳꥈꥆ ꤷꥉꤴꥋꥆ , ꤹꥋꥆ ꤷꥉꤰꥉꥁꥐ ꥆꤴꥍ ꤼꥉꤸꥇꤳꥋꥆ, ꥆꥈꤺꥉꥐ ꤷꥉ ꤷꥇꤾꥊꥋ ꤷꥇꤾꥊꥋ, ꤷꥉ ꤸꤾꥉꤸ꥓ ꤸꤾꥉꤸ꥓ , ꥁꥇꤲꥋ ꥁꤰ꥓ ꤶꤰ꥓ ꤰꤽꥊ ꤳꥉꤵꥉꤸ꥓ ꥆꤷꥇꤼ꥓. ꤴꥌ ꤴꥉ ꤹꥉꤾꤰꥋ ꤳꥉꤸꤼꥈꤰ꥓ ꤷ ꤶꤰ꥓ ꤰꤽꥊ. ꤵꤰ꥓ ꤾꥉ ꤸ꥓ ꤼꥇꤶꥉꤼꥉꤳ꥓ ꤰꥉꤾꥋꤰ꥓ ꤰꥉꤾꥋꤰ꥓ ꤶꤰ꥓ ꤰꤽꥊ ꤳꥇꥁ꥓ꤲꥉꤳ꥓ ꤸꤼꥋ ꤼꥇ ꤱꥇ ꤶꥇꤼꤰ꥓, ꤴꥌ ꤳꥈꥐ ꤴꥉ ꥆꥇꥁ꥓ꤾꤼ꥓ ꤳꥉꤸꥈꤾꥈꥏ ꤵꥉ ꤳꥐꤶ ꥁꤽꥈꤼ꥓ ꤼꥇ ꤰꥉꤸꥉꤾ꥓ꥀꥎ ꤳꤹꥇ. ꤳꤶꥇ ꤰꥈꤳꥉꤵꥉ ꤷꥇ ꤳꥉꤹꥉꤵꥋꤰ꥓ ꤷꥇꤿꥋꥆ ꤰꥉꤰꥉꤾꥊ ꤶꥈꥐ ꤵꥇꤿꥋꥆ ꤸꤸꤶ꥓ ꥆꥀꤰ꥓ ꤶꤰ꥓ ꤰꤽꥊ ,ꤶꤰ꥓ ꤰꤽꥊ ꤸꤳꥊꥍ ꤳꥉꤵꥇꤸꥈꥐ ꥁꤰ꥓ ꥁꤰ꥓ ꤵꥉ ꤴꥉ ꤹꥋꥆ ꤼꥉꤶꤳ꥓ ꤼꥇ ꤼꥉꤸ꥓ ꤴꥉꤰꥒ ꤵꥉ . ꥆꥈ ꤴꥉꤸ꥓ ꥁꥋ ꤶꥉꤵꥐꥁꥋ ꤷꥈꤷꥒ ꤺꥇꤽꥊ ꤳꥉꤷꥉꤳ꥓. ꥁꥐ ꥁꥐ ꤺꥇꤺꥊ ꤼꤴꥊꥍ ꤳꥉꤷꥉꤳ꥓ ꤰꤽꥊ . ꤴꥉ ꥆꥈ ꤿꥋ ꤺꥇꤽꥊ ꤰꥉꤾꥈꤽꥁꥐ ,ꤶꥉꥏꥁꤼꥇꤾ꥓ ꤷꥉꤾꤼ꥓ ꤵꤰ꥓ ꤰꥉꤹꤸꤳꥐ ꤳꥉꤷꥉꤳ꥓ ꤰꤽꥊ.꥟