᭚ᬜᬭᬄᬮᬬᬗᬦ᭄᭟

᭚ᬤᬸᬕᬲ᭄ᬮᬶᬩᬸᬭᬦᬾᬳᬶᬫᬤᬾᬚᭀᬧᬮᬦ᭄ᬓᭂᬢᬸᬢ᭄ᬚᬾᬧᬶᬦᬸᬜ᭄ᬚᬸᬓ᭄ᬮᬬᬗᬦ᭄ᬤᬶᬳᬸᬫᬦᬾ᭞ᬤᬶᬢᬸᬳᬚᬓᬤᬤ᭄ᬯᬫᬮᬬᬗᬦ᭄ᬢᬸᬲᬶᬂᬗᬶᬢᬸᬗᬦ᭄ᬓᭂᬩᬸᬲ᭄ᬕᬸᬫᬶᬦᬾ᭟ᬳᬸᬮ᭄ᬬᬦ᭄ᬲᭂᬍᬕ᭄ᬫᬮᬬᬗᬦ᭄᭞ᬳᬚᬓᬤᬤ᭄ᬯᬓᬦ᭄ᬢᬶᬳᭂᬗ᭄ᬲᬧ᭄ᬢᭂᬓᬾᬦ᭄ᬤᭂᬤᬵᬭᬦ᭄ᬓᬦ᭄ᬢᬶᬕᬸᬫᬶᬦᭂᬜᭂᬚᭂᬕ᭄ᬲᬹᬃᬬ᭟ᬲᬯᬶᬭᬾᬄᬩᬲᬂᬳᬶᬫᬤᬾᬚᭀᬧᬦᬾᬲᭂᬤᬸᬓ᭄᭞ᬳᬶᬬᬮᬦ᭄ᬢᬲ᭄ᬗᬳᬸᬓᬶᬦ᭄ᬢᬶᬫ᭄ᬧᬮ᭄ᬦᬾᬓᭂᬢᬸᬢ᭄ᬚᬾᬧᬶᬳᬚᬓᬶᬦᬫᬤᬵᬃᬮᬦ᭄ᬗᭀᬭᬳᬂ᭝"ᬯᬾᬧᬶ᭞ᬫᬳᬶᬫᬸᬮᬶᬄᬫᬮᬸᬮᬦ᭄ᬲᬯᬶᬭᬾᬄᬲᬸᬩᬢᭂᬗᬳᬶᬢᭂᬧᭂᬢ᭄᭞ᬩᬲᬂᬳᬶᬘᬗᬾᬲᭂᬤᬸᬓ᭄ᬕᬢᬶ"᭟ᬦᬶᬗᭂᬳᬂᬫᬸᬜᬶᬦ᭄ᬢᬶᬫ᭄ᬧᬮ᭄ᬦᭂᬩᬸᬓᬓᭂᬢᭀ᭞ᬓᭂᬢᬸᬢ᭄ᬚᬾᬧᬶᬮᬦ᭄ᬢᬲ᭄ᬕᬕᬾᬲᭀᬦᬦ᭄ᬫᬢᭀᬮᬶᬳᬦ᭄ᬮᬦ᭄ᬫᬲᬳᬸᬢ᭄᭝"ᬬᬾᬄᬲᬚᬦ᭄ᬧ᭞ᬳᬯᬓᬾᬫᬲᬶᬄᬲᭂᬤᬸᬓ᭄ᬲᬚᬦ᭄ᬧᬸᬓ᭄᭞ᬦᬄᬮᬬᬗᬦᬾᬫᬲᬶᬄᬲᬸᬩᬫᬤᬸᬯᬸᬃᬮᬦ᭄ᬓᬮᬳᬶᬦ᭄ᬫᬸᬮᬶᬄᬫᬮᬸᬫᬤᬵᬃ᭞ᬩᬾᬜ᭄ᬚᭂᬧᬦ᭄ᬲᬸᬩᬳᭂᬗ᭄ᬲᭂᬩᬦ᭄ᬲᬹᬃᬬᬦᬾᬩᭂᬤᬶᬓ᭄ᬳᬚᬓᬢᬸᬯᬸᬦᬦ᭄ᬮᬬᬗᬦᬾ"᭟ᬳᬚᬓᬤᬤ᭄ᬯᬮᬦ᭄ᬢᬲ᭄ᬫᬚᬮᬦ᭄ᬧᬤᬫᬸᬮᬶᬳᬦ᭄ᬫᬤᬵᬃᬮᬦ᭄ᬗᬦ᭄ᬢᭀᬲᬂᬚᬫ᭄ᬲᬜ᭄ᬚᬮᬓᬃᬦᬸᬯᬸᬦᬂᬮᬬᬗᬦᬾ᭟ᬤᬶᬲᬸᬩᬦᬾᬕᬸᬫᬶᬦᬾᬗᬗ᭄ᬲᬦ᭄ᬲᬜ᭄ᬚ᭞ᬳᬶᬚᭀᬧᬮᬦ᭄ᬢᬲ᭄ᬗᬮᬶᬄᬳᬶᬚᬾᬧᬶᬓᬳᬸᬫᬄᬦᬾᬦᬸᬚᬸᬓᬳᬸᬫᬦᬾᬮᬓᬃᬳᬚᬓᬶᬦᬦᬸᬯᬸᬦᬂᬮᬬᬗᬦᬾ᭟ᬳᬶᬫᬤᬾᬚᭀᬧᬮᬦ᭄ᬓᭂᬢᬸᬢ᭄ᬚᬾᬧᬶᬳᬚᬓᬤᬤ᭄ᬯᬫᬲᭂᬓᬵᬗᬳᬾᬮᬬᬗᬦ᭄ᬩᬾᬩᬾᬬᬦ᭄ᬳᬦᬾᬮᬓᬃᬳᬤᭀᬓᬶᬦᬤᬶᬮᭀᬫ᭄ᬩᬮᬬᬗᬦ᭄ᬳᬦᬾᬳᬤᬤᬶᬧᬦ᭄ᬢᬿᬫᭂᬃᬢᬲᬭᬶᬲᬦᬸᬃ᭟ᬤᬶᬚᬮᬦ᭄ᬦᬸᬚᬸᬓᬳᬸᬫᬦᬾᬳᬚᬓᬤᬤ᭄ᬯᬮᬦ᭄ᬢᬲ᭄ᬦᬸᬢᬸᬭᬂᬲᭂᬓᭀᬮᬄᬲᬯᬶᬭᬾᬄᬳᬚᬓᬤᬤ᭄ᬯᬲᭂᬓᭂᬮᬲ᭄ᬤᬶᬓᭂᬮᬲ᭄᭞᭕᭞ᬤᬶᬲᭂᬓᭀᬮᬄᬥᬲᬃᬤᬶᬓᭂᬲᬶᬫᬦ᭄᭟ᬳᬶᬫᬤᬾᬚᭀᬧᬫᬓᬳᭂᬗᬦ᭄ᬲᬯᬶᬭᬾᬄᬳᬶᬬᬫᬭᬲᬮᬶᬩᬸᬭᬦᬾᬓᭂᬲᭂᬧ᭄ᬕᬢᬶᬮᬦ᭄ᬳᬶᬬᬗᭂᬦᭂᬳᬂᬮᭀᬫ᭄ᬩᬮᬬᬗᬦᬾᬳᬦᭂᬮᬓᬃᬢᭂᬓᬮᬦ᭄ᬲᬸᬩᬧᬳᭂᬓ᭄᭞ᬲᭂᬤᭂᬓ᭄ᬲᭂᬤᭂᬂᬳᬶᬢᭂᬳᬦᬸᬢᬸᬃᬳᬚᬓᬤᬤ᭄ᬯᬳᬤᬮᬦ᭄ᬢᬲ᭄ᬮᬬᬗᬦ᭄ᬳᬦᬾᬫᭂᬕᬢ᭄ᬢᬸᬃᬳᬸᬮᬸᬂᬦᬾᬫᬳᭂᬓᬂᬓᬢᭀᬗᭀᬲ᭄ᬳᬶᬚᭀᬧᬮᬦ᭄ᬚᬾᬧᬶ᭟ᬦᭂᬧᬸᬓᬶᬦ᭄ᬮᬬᬗᬦ᭄ᬳᬦᬾᬬᬸᬮᬸᬂᬳᭂᬦ᭄ᬢᭀᬕᬾᬲᭀᬦᬦ᭄ᬚ᭄ᬧᬫᬮᬳᬶᬩ᭄ᬢᬸᬃᬫᬕᭂᬮᬸᬃ᭝"ᬯᬶᬄ᭞ᬳᬤᬮᬬᬗᬦ᭄ᬳᬸᬮᬸᬂ᭞ᬮᬦ᭄ᬳᬸᬩᭂᬃᬳᬸᬩᭂᬃᬳᬧᬂᬢᬸᬲᬶᬂᬳᬦᬓ᭄ᬳᭂᬮᬾᬦ᭄ᬳᬦᬾᬫᬓᬢᬂ"᭟ᬚᬾᬧᬶᬦᭂᬧᬸᬓᬶᬦ᭄ᬢᬶᬫ᭄ᬧᬮ᭄ᬦᬾᬫᬮᬳᬶᬩ᭄ᬩᬸᬓᬓᬶᬤᬂᬳᭂᬦ᭄ᬢᭀᬢᭂᬗ᭄ᬓᭂᬚᬸᬢ᭄ᬮᬦ᭄ᬫᬲᬳᬸᬢ᭄᭝"ᬯᬾᬧᬳᬦ᭄ᬢ᭄ᬬᬂᬳᬧᬳᬯᬓᬾᬦᬾ᭞ᬚᭂᬕ᭄ᬲᬾᬧᬦᬦ᭄ᬤᬾᬦ᭄ᬫᬮᬳᬶᬩᬼᬫᬦᬾᬢᭀᬦᬄ"᭟ᬲᬸᬩᬓᬾᬢᭀᬮᬦ᭄ᬢᬲ᭄ᬳᬚᬓᬤᬤ᭄ᬯᬲᬸᬩᬜᬶᬤᬂᬦᭂᬧᬸᬓᬶᬦ᭄ᬢᭀᬗᭀᬲ᭄ᬮᬬᬗᬦ᭄ᬳᬦᬾᬳᬸᬮᬸᬂᬳᭂᬦ᭄ᬢᭀ᭞ᬤᬶᬢᬸᬮᬜ᭄ᬚᬢᬲ᭄ᬳᬚᬓᬤᬤ᭄ᬯᬦᬸᬢᬸᬭᬂᬮᬬᬗᬦ᭄ᬳᬦᬾᬢᭂᬧᬸᬓᬶᬦᬢᭀᬢᭀᬦᬦ᭄ᬮᬓᬃᬓᬓᬸᬤ᭄ᬬᬗ᭟ᬳᬶᬫᬤᬾᬚᭀᬧᬳᬦᬾᬫᬸᬮᬤᭂᬫᭂᬦ᭄ᬲᬚᬦ᭄ᬢᭂᬓᬾᬦ᭄ᬮᬬᬗᬦ᭄ᬗᭀᬭᬂᬮᬓᬃᬗᬩᬮᬬᬗᬦ᭄ᬳᭂᬦ᭄ᬢᭀᬫᬸᬮᬶᬄ᭞ᬮᬦ᭄ᬳᬶᬚᬾᬧᬶᬫᬲᬳᬸᬢ᭄ᬓᬾᬦᬾ᭝"ᬧ᭞ᬦᬄᬫᬸᬮᬚᬲᬚᬫᭂᬮᬄᬮᬬᬗᬦᬾᬳᭂᬦᬾ᭞ᬦᭂᬚᬦᬶᬫᭂᬦ᭄ᬚᬭᬄᬮᬬᬗᬦ᭄ᬳᬦᬓᬾᬫᬦ᭄ᬬᬦ᭄ᬓᬓᬸᬤ᭄ᬬᬂᬦᬸᬜ᭄ᬚᬸᬓ᭄?"᭟ᬳᬶᬚᭀᬧᬳᬦᬾᬲᭂᬤᭂᬂᬤᭂᬫᭂᬦ᭄ᬳᭂᬦ᭄ᬢᭀᬮᬦ᭄ᬢᬲ᭄ᬦᬶᬫ᭄ᬧᬮᬶᬦ᭄ᬫᬸᬜᬶᬦ᭄ᬢᬶᬫ᭄ᬧᬮ᭄ᬦᬾᬳᭂᬦ᭄ᬢᭀ᭝"ᬧᬾᬄᬳᭂᬤᬳᭂᬦ᭄ᬢᭀᬓᭂᬦᭂᬳᬗᬧᬶ᭞ᬫᬦ᭄ᬬᬦ᭄ᬳᬚᬓᬕᬦ᭄ᬢᬶᬢᬸᬓᬸᬩ᭄ᬦᬾᬮᬦ᭄ᬜᬶᬤᬂᬲᬸᬩᬦᬸᬜ᭄ᬚᬸᬓ᭄ᬩᬸᬯᬶᬦ᭄᭞ᬳᭂᬦᬾᬩᬦ᭄ᬢᬂᬮᬬᬗᬦᬾᬮᬸᬯᬸᬂᬧᭂᬲᬦ᭄ᬧᬶ"᭟ᬦᬶᬗᭂᬳᬂᬢᬶᬫ᭄ᬧᬮ᭄ᬦᬾᬩᬸᬓᬓᬾᬢᭀ᭞ᬳᬶᬚᬾᬧᬶᬫᬭᬲᬢᬸᬲᬶᬂᬮᬲ᭄ᬩᬬᬸᬦᬾᬜᬭᬄᬮᬬᬗᬦ᭄ᬳᬦᬓᬾᬳᭂᬦ᭄ᬢᭀᬢᬸᬃᬜᬳᬸᬢᬶᬦ᭄ᬫᬸᬜᬶᬦ᭄ᬢᬶᬫ᭄ᬧᬮ᭄ᬦᬾ᭝"ᬧ᭞ᬦᬄᬫᬸᬮᬚᬲᬚᬓᬾᬢᭀᬳᬮᬸᬄᬗᬦ᭄ᬢᬶᬢᬸᬓᬸᬩ᭄ᬦᬾ᭞ᬳᬦᬾᬚᭂᬚᭂᬳᬂᬳᬯᬓᬾᬫᬦ᭄ᬬᬦ᭄ᬳᬶᬭᬕᬫᬳᬦ᭄ᬓᬃᬫᬦᬾ᭞ᬧᭂᬤᬍᬫ᭄ᬫᬲᬶᬄᬳᬦᬓᬾᬳᬦᬾᬗᭂᬮᬳᬂᬮᬬᬗᬦᬾᬧᬲ᭄ᬢᬶᬲᭂᬩᭂᬢ᭄ᬕᬢᬶᬳᬦᬓᬾᬳᭂᬦ᭄ᬢᭀ"᭟ᬦᬶᬗᭂᬳᬂᬫᬸᬜᬶᬦ᭄ᬢᬶᬫ᭄ᬧᬮ᭄ᬦᬾᬩᬸᬓᬓᬾᬢᭀᬳᬶᬫᬤᬾᬚᭀᬧᬫᬢᬶᬍᬲᬦ᭄ᬭᬕᬫᬭᬲᬧᭂᬮᬶᬄᬬᬾᬦᬶᬂᬜᬭᬄᬮᬬᬗᬦ᭄ᬳᬦᬓᬾᬬᬦᬾᬩᬓᬢᬗᬳᭂᬦ᭄ᬢᭀᬮᬦ᭄ᬦᬸᬯᬸᬢᬶᬦ᭄ᬫᬸᬜᬶᬦ᭄ᬳᬶᬚᬾᬧᬶᬮᬓᬃᬗᬸᬮ᭄ᬬᬂᬮᬬᬗᬦᬾᬳᭂᬦ᭄ᬢᭀᬬᬾᬦ᭄ᬳᬤᬳᬦᬓᬾᬳᬦᬾᬗᬮᬶᬳᬶᬦ᭄ᬮᬬᬗᬦ᭄᭟ᬤᬶᬲᬸᬩᬦᬾᬓᬾᬢᭀᬮᬬᬗᬦ᭄ᬳᬦᬾᬫᬚᬭᬄᬳᭂᬦ᭄ᬢᭀᬮᬓᬃᬳᬩᬦᬫᬸᬮᬶᬄᬦᬾᬳᬶᬚᭀᬧᬮᬓᬃᬫᬦ᭄ᬬᬦ᭄ᬓᬢᬓᭀᬦᬗᬤᬶᬩᬜ᭄ᬚᬭᬦᬾᬳᭂᬜᬾᬦ᭄ᬦᬯᬂᬳᬤᬳᬦᬓᬾᬳᬦᬾᬓᬶᬮᬗᬦ᭄ᬮᬬᬗᬦ᭄ᬳᬦᬾᬩᬓᬢᬗᬳᭂᬦ᭄ᬢᭀ᭟ᬳᬚᬓᬤᬤ᭄ᬯᬮᬦ᭄ᬢᬲ᭄ᬦᬸᬯᬸᬦᬂᬮᬬᬗᬦᬾᬲᬯᬶᬭᬾᬄᬕᬸᬫᬶᬦᬾᬲᬸᬩᬗᬗ᭄ᬲᬦ᭄ᬜᭂᬋᬧᭂᬢᬦ᭄ᬮᬦ᭄ᬳᬸᬫᬦᬾᬫᬲᬶᬄᬲᬸᬩᬮᬓᬃᬳᬤᬳᬦᬓ᭄ᬫᭂᬢᭂᬂ᭟ᬤᬶᬲᬸᬩᬦᬾᬮᬬᬗᬦᬾᬲᬸᬩᬢᬸᬯᬸᬦ᭄ᬤᬶᬢᬸᬮᬦ᭄ᬢᬲ᭄ᬳᬚᬓᬤᬤ᭄ᬯᬗᬩᬮᬬᬗᬦᬾᬮᬦ᭄ᬮᬬᬗᬦ᭄ᬳᬦᬾᬬᬸᬮᬸᬂᬩᬸᬲᬦ᭄ᬳᭂᬦ᭄ᬢᭀᬫᬸᬮᬶᬳᬦ᭄᭟